De aadprinse zeen ein jaor vraemp gegaon! In jannewarie 2023 waar Lachenderwies-on-tour en waal in het Forum in ’t Katerriek, mer noe zeen de men weer trök in de binnesjtad.
Op vriejdaag 19 en zaoterdaag 20 jannewarie kint Geer vanaaf 19.30 oer Uch gaon zitte in de vernuujde theaterzaal en laote ammezere door ein keur van binne- en boetelandse artieste die zolle zorge det Geer weer boekpien gaot kriege van het lache. En det allemaol veur €29,50 inklusief garderobe én pauzedrenkske!
Det wilt Gee toch neet misse?
2024 Pregram
Het program is op de vriejdaag en de zaoterdaag hetzelfde, dan widder det!
Om 19.30 äöpent de BoestenBand same mit de prizzentatore Herman en Gustav en oos publiek de aovend mit de Sportpalast Walzer van James Last. Aansjloetend is de grandiose antree van de Nuuje Uuleprins same mit ein van de Traditionsgarden oet Kölle: die Buergergarde BlauGold von 1904.
Nao het optraeje van BlauGold komme de buutreedners aan de beurt: Andy Marcelissen en Berry Knapen, twee Spasskanonen oet het Brabantse Land.
Häor optraeje zal waere ongerbraoke door eine komiese gas oet Belsj: Elastic! Laot Uch verrasse!
Nao de pauze geit het program wiejer mit eine Limburgse buutreedner: Henrie van Geneijgen mit zien buut De Naaksluiper! Aansjloetend gaon veer genete van ein van de vaste gaste van Lachenderwies oet Kölle: die Grosse Tanzgruppe “Kölsche Harlequins” der KG Alt-Köllen vun 1883 e.V.
Francesca oet Belsj kump dan zien kunste laote zeen es komiese jongleuse en de aafsjloeter is det jaor oet Bieegde: Peter Vaassen dae Uch geit vertelle det hae de Oranjerie gans allein haet verboewd. En es hae neet obbertied sjtop, is Lachenderwies 2024 nao twellef oer nog bezig!
Kaarte
Kaarte, Tickets, Karten, Tickets de Ingreso, Bileto, Enirejo, Bejárat
Kaarte zeen – om ‘t uch gemekkelik te make- te kriege vieja de site van de Oranjerie, klik op ongersjtaonde link. Kaarte zeen ouch aan de kassa van de Oranjerie te kaup, of vieja de tillefoon 0475-391491.
De ticketpries is €29,50 p.p., inclusief garderobe en pauzedrenkske!
Foto’s Lachenderwies 2023
© 2023 — Stichting Lachenderwies
